Edhe pse kanë kaluar disa ditë nga publikimi i një afere korruptive në territorin e Bashkisë Finiq, ku zyrtarë të kësaj Bashkie u përfolën për marrjen e rryshfetit kundrejt dhënies së kullotave, nga ana e Prokurorisë së Rrethit Gjyqësor Sarandë nuk ka asnjë njoftim deri tani.
Nga informacionet tona, asnjë person nga prokuroria nuk është paraqitur për ta marrë në pyetje personat që kanë bërë denoncimet në media.
Në materialin e shfaqur njëri prej blektorëve shprehet se vitin e kaluar ka paguar 1 milion per kushotën , ndersa banorë të fshatit Cerkovicë akuzojnë kryetarin e Bashkisë Finiq si edhe zyrtarë të tjerë të administratës për rryshfet që arrin deri në shifrat 1 milion lekë apo 1 mijë euro, por këto shifrat si duket nuk i bejnë përshtypje Prokurorisë së Sarandës.
