Punimet që po kryhen në rrugët e Sarandës janë kthyer në një makth të vertetë për cdo qytetar, drejtues mjeti apo biznes. Por ajo që është akoma edhe më shqetësuese është hapja dhe rihapje e rrugëve disa herë.
Gjatë mbledhjes së Këshillit Bashkiak ditën e djeshme kryetarja e Bashkisë Florjana Koka tha se këto punime, që përfshijnë edhe asfaltimin e rrugëve ku janë kryer punime, do të përfundojnë brenda datës 10 Shkurt.
Afati i përfundimit, së bashku me asfaltimin, është data 10 shkrurt, u shpreh kryetarja e Bashkisë Florjana Koka. Edhe nga ecuria e deritanishme, edhe nga fakti se kemi të bëjmë me një kompani serioze, na bën të besojmë se punimet do të përfundojnë brenda datës 10 Shkurt, ishte përgjigjia e kryetares Florjana Koka në përgjigje të interesimit të anëtarëve të Këshillit Bashkiak Sarandë.
