Arsyet pse Bashkia Sarandë deshtoi në “ndarjen e bagëtive nga turizmi”

5 muaj më parë nëpërmjet fb Bashkia Sarandë lëshoi një ultimatum, sa qesharak aq edhe makaber: Shitni bagëtitë ose do t`ua therim !
Kjo ishte pak a shumë ajo që përcillej në ultimatumin e bashkisë, madje përcaktohet edhe se cfare do të bëhej me mishin, lëkurët dhe të përbrendshmet.
Kur kanë kaluar disa muaj nga ky ultimatum, bashkia Sarande shmanget përditë, me gjithe insistimin prej më shumë se 2 javë të Saranda Web, për të dhënë sqarime për punën e bërë për largimin e bagëtive nga qendrat e banuara në Sarandë dhe Ksamil.
Në fb e bashkisë Sarandë është publikuar një rast kur një banori në Ksamil iu mor lopa e vetme dhe iu cua në thertore. Por nga informacione të Saranda Web dhe denoncime të ardhura në faqen tonë, ky veprim është bërë ndaj këtij banori si një hakmarrje primitive për një zënkë të mëparshme që ky person ka patur me punonjës të administratës së bashkisë.
Informacioni bëhet akoma edhe më shumë i besueshëm, kur shikojmë kope me dhi,  lopë dhe derra të shëtisin dhe kullosin në qendrat e Ksamilit dhe Sarandës dhe nga ana e bashkisë ka vetëm 1 rast veprimi në zbatim të urdhrit për largimin e bagëtive nga qendrat turistike dhe urbane.
Sipas një informaciuoni të ardhur në Saranda Web, një pjesë e madhe e administratës së bashkisë mbarështojnë dhi, dele, lopë dhe derra në shtëpitë e tyre.