Arrestohen 3 persona pas dhunës në plazhin e Ksamilit – Në pranga edhe pronari.
Policia e Sarandës ka arrestuar tre persona në lidhje me ngjarjen e ndodhur një ditë më parë në plazhin e Ksamilit, ku 46-vjeçari Albert Pashaj mbeti i plagosur pas një sulmi me sende të forta nga 3 persona. Ata akuzohen për veprën penale “Plagosje e lehtë me dashje”, kryer në bashkëpunim.
Ngjarja ndodhi në një hapësirë publike në vijën bregdetare në Ksamil.
Në vijim të hetimeve dhe mbledhjes së provave, uniformat blu kanë vënë në pranga:
Agim Taraj, 43 vjeç, banues në Berat, pronar i “Sunset Beach Bar”
Silvjan Sulku, 18 vjeç, banues në Dibër
Aldo Zeqiraj, 35 vjeç, banues në Dibër
Gjithashtu, është proceduar penalisht në gjendje të lirë një i mitur 17-vjeçar nga Kamza.
Lidhur me këtë ngjarje, u referuan materialet në Prokurori për veprën penale “Shkatërrimi i pronës” dhe nisi procedimi penal për shtetasen O. P., 40 vjeçe, pasi pas konfliktit kjo shtetase ka dëmtuar ambientin duke shkatërruar pajisje dhe sende të tjera në “beach bar”.
Sherri në Ksamil për plazhin, Pashaj: Bashkia dhe ministrja Kumbaro përgjegjëse – VIDEO
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
