Ardit Bido denoncon: Fredi Beleri po bën fushatë elektorale në Shqipëri
Kandidati i Partisë Socialiste për qarkun e Vlorës, Ardit Bido, ka reaguar ashpër pas prezencës së eurodeputetit grek, Fredi Beleri, në territorin shqiptar, ku ky i fundit shfaqet duke bërë fushatë për kandidatin e Partisë Demokratike.
Në një deklaratë të publikuar në rrjetet sociale, Ardit Bido e cilëson këtë veprim si “ndërhyrje flagrante në punët e brendshme të Republikës së Shqipërisë”, duke theksuar se nuk ka ndodhur më parë që një funksionar i një shteti të huaj të marrë pjesë në mënyrë aktive në një fushatë elektorale brenda një vendi tjetër.
“Doktor, po del bllof me Shqipërinë. Një eurodeputet i shtetit grek bën fushatë për ty, haptazi, në tokën shqiptare. Kjo është ndërhyrje flagrante në punët e brendshme të Republikës së Shqipërisë”, – deklaron Bido.
Më tej, kandidati i mazhorancës sulmon ashpër koalicionin e opozitës, të cilin e quan “Aleanca e Antishqiptarisë Madhështore”, duke e akuzuar për cenim të sovranitetit kombëtar: “Aleanca e Antishqiptarisë Madhështore tejkaloi çdo imagjinatë, duke lejuar që një funksionar i huaj si Fredi Beleri të cenojë sovranitetin tonë”, – vijon ai në deklaratën e tij. Bido nënvizon se, ndonëse marrëdhëniet ndërkombëtare politike janë normale, përfshirja direkte në fushatë e një funksionari të huaj përbën një rast të paprecedent në Europë.
“Po, miqtë mbështesin njëri-tjetrin. Po, partnerët politikë ndërkombëtarë japin deklarata. Por askund në Europë nuk ndodh që një funksionar i një shteti tjetër të shfaqet në miting zgjedhor në një vend fqinj”, u shpreh ai.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
