Nga pakësimi i stokut të apartamenteve për strehim me qira afatgjatë deri te shtrenjtimi i çmimeve të qirave, të pronave për shitje, të bareve dhe restoranteve, janë efektet e bumit turistik që po ndikojnë te vendasit. Për ekspertët, rritja e çmimeve do të nxisë më tej largimin e shqiptarëve në emigracion.
Promovimet e Shqipërisë turistike në rrjetet sociale Instagram dhe TikTok nga blogerë të huaj, për shkak të kostove të lira dhe bukurive natyrore shtuan ndjeshëm gjatë vitit 2023 numrin e turistëve të huaj që vizituan vendin.
Të joshur prej çmimeve të lira dhe disponueshmërisë më të lartë krahasuar me hotelet, shumë të huaj zgjidhnin të qëndronin në Shqipëri në apartamente apo shtëpitë e pushimit të rezervuara online, nëpërmjet platformave ndërkombëtare.
Joshja për t’i dhënë apartamentet me pushues sidomos gjatë sezonit turistik ka sjellë edhe mungesën e apartamenteve për qira afatgjatë dhe kanë ndikuar te rritja e çmimeve të qirave për vendasit. Lexo shkrimin e plotë në Monitor.al
