Ambasadorja e Greqisë në Tiranë Sofia Filippidou dhe Konsulli i Përgjithshëm i Greqisë në Gjirokastër Dimitrios Sacharidis, kanë vizituar Bashkinë Finiq ku patën takim me kryetarin e Bashkisë së Finiqit Kristo Kiço.

Gjatë takimit, kryetari i bashkisë i informoi ata për të gjitha çështjet kryesore që kanë të bëjnë me komunitetin tonë.

Tema kryesore është problemi i pronave që vazhdon prej shumë vitesh i pazgjidhur në bashkinë e Finiqit dhe jo vetëm, regjistrimi i popullsisë që do të realizohet gjatë vitit 2022, problemet e arsimit, investimet në infrastructure dhe zhvillimi ekonomik, ngjarjet dhe aktivitetet kulturore, si dhe problematikat që kanë lindur për shkak të pandemisë.

Në përfundim të takimit kryetari i bashkisë Finiq Kiço falënderoi nga zemra Ambasadoren dhe Konsullin e Përgjithshëm të Greqisë në Gjirokastër për ndihmën e tyre të pakursyer gjatë gjithë periudhës së vështirë të pandemisë.

Njëkohësisht, ai vlerësoi bashkëpunimin e deritanishëm dhe shprehu besimin se do të vazhdojë edhe në të ardhmen me synim përmirësimin e vazhdueshëm të cilësisë së jetës së qytetarëve.