ALIKO: Homazh 4 Martirëve të Demokracisë në 25 – vjetorin e vrasjes

12/12/1520:31

Shperndaje:

4 djemtë nga Aliko, që më dhjetor të 1990 u ekzekutuan në kufi, në kërkim të lirirsë së munguar në diktaturë, janë përkujtuar me nderime paraditen e sotme.

Familjarë, banorë, autoritete vendore, dhe të ftuar u bënë atyre homazh… Duke vënë kurora me lule tek Monumenti në nderim të veprës që u kushtoi jetën, 25 vite më parë.

Në qendër të komunës Aliko është përkujtuar dhe janë nderuar sot 4 djemtë e rënë në kufi… Më dhjetorin e 1990, 25 vite më parë, në tentativën për të kapërcyer murin e diktaturës… Që mbante të izoluar Shqipërinë e atyre viteve nga bota.

Me këtë rast në sheshin “Qipro” të Alikos nga organizata politike “Omonia” dhe bashkia Finiq u organizua një ceremoni nderimi… Me pjesëmarrjen e familjarëve të djemve të vrarë në kufi. Merrte pjesë edhe konsulli grek në Gjirokstër, Vasilis Tolios… Deputeti i Syrizës, në Janinë, Jani Karajani… Kryetari i Omonia-s, Leonidha Papa… Kryetari i Partisë MEGA, Kristaq Kiço… Deputeti i PS, Andrea Marto… Kryetari i bashkisë Finiq, Leonidha Kristo… Nëkryetari i PD, Sarandë, Vesel Koçiu etj. Përpara monumentit u përkujtua ngjarja e vrasjes në kufi të katër djemve nga Alikua: Thimjo Masho, Ajdhon Rafti, Thanas Koçi e Vangjel Mitro. të shpallur me dekret presidencial “Martirë të Demokracisë”.

Ceremoninë nderuese e drejtoi kryetari i bashkisë së Finiqit, Leonidha Kristo. Të gjithë ata që e morën fjalën folën në gjuhën greke. Si sot para 25 – vitesh, janë vrarë barbarisht nga ushtarët e kufirit të athershëm 4 – djem të kësaj zone. Ne do t’i kujtojmë përherë. Ata janë një simbol i luftës për liri dhe demokraci, tha Kryetari i Partisë MEGA, Kristaq Kiço


Ndajeni me miqte:

Postimet e fundit

Banorët e Nivicës përfitojnë nga fushata, pas 1 viti rregullohet pompa e ujit – VIDEO
Blushi paralajmëron Ramën nga Himara: Mos guxo se duart do të mbeten në kuti
Petro Gjikuria hap fushatën në Himarë, kreu i OMONIA: S’kemi nevojë për jabanxhinj politikë
Banorët e Gjashtës: Kemi 2 muaj pa ujë, nesër do protestojmë te zyrat e Ujësjellësit
Banorja e lagjes “Baba Rexhepi” ankesë në Saranda Web: Kemi 1 javë pa pikë uji
NJOFTIM PËR DISA POZICIONE PUNE NË HOTEL OLYMPIA NË SARANDË

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.