Alarm për Bizneset në Sarandë: Mashtrues në Qarkullim për Kontrolle False
Një qytetar nga Saranda ka lëshuar një alarm të rëndësishëm në Saranda Web, duke paralajmëruar të gjitha bizneset lokale për një grup mashtruesish që pretendojnë të jenë nga institucionet si Tatimet, IKMT, dhe Task Forca. Këta individë, të cilët raportohet se vijnë nga Tirana, Vlora dhe Fieri, po pretendojnë të kryejnë kontrolle gjatë kësaj fundjave.
Qytetari u bën thirrje bizneseve që të jenë të kujdesshëm dhe të mos i dorëzojnë asgjë këtyre individëve pa verifikuar më parë identitetin e tyre. Ai këshillon që të kërkohet dokumenti i identifikimit nga çdo person që paraqitet për kontroll dhe të raportohet çdo rast i dyshimtë tek autoritetet përkatëse.
“Ju lutem, mos u trembni dhe mos u jepni asgjë në dorë pa verifikuar identitetin e tyre. Kërkoni dokumentet dhe nëse kanë diçka të dyshimtë, i denonconi menjëherë,” ka thënë qytetari në mesazhin e tij.
Bizneset duhet të jenë të vetëdijshme dhe të mbrojnë veten nga këto praktika mashtruese, duke siguruar që çdo kontroll të kryhet nga personel i autorizuar dhe i identifikuar korrektësisht.
Saranda Web ju nxit të gjithë qytetarët dhe bizneset lokale të qëndrojnë vigjilentë dhe të denoncojnë çdo tentativë mashtrimi.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
