Sekretari i Përgjithshëm i Partisë Demokratike, Arben Ristani pak minuta më parë ka dalë publikisht hapur kundër Lulzim Bashës, teksa ka drejtuar akuza të rënda ndaj tij për shkeljen e statutit të PD, bashkë me nënkryetarët e Partisë Demokratike.
Delegimi i kopetencave organizative nga kryetari të nënkryetarët, sipas Ristanit është jo statutor dhe pa përmbajtje.
Gjithashtu Ristani ka theksuar se data e zgjedhjeve dhe e data e paraqitjes së kandidaturave për kryetar në PD, është në dorë të kryesisë.
“Me qellim sqarimin e opinionit publik dhe mbi te gjitha te anetaresise se Partise Demokratike dhe situates se krijuar se fundmi me procesin zgjedhor per Kryetar te Partise Demokratike, ndjej detyrimin dhe pergjegjesine si Sekretar i Pergjithshem i Partise Demokratike te bej me dije se:
Delegimi i kompetencave organizative nga Kryetari tek nenkryetaret eshte jo statutor dhe pa permbajtje, sepse kompetencat organizative i takojne ne baze te statutit Sekretarit te Pergjithshem.
Neni 43 thote se ne rast doreheqje etj te Kryetarit, Sekretari i Pergjithshem mbledh Keshillin Kombetar i cili komandon Nenkryetarin qe do te drejtoje Partine. Pra kompetenca e komandimit i takon Keshillit Kombetar i cili thirret nga Sekretari i Pergjithshem.
Vendimi i dy nenkryetareve per te thirrur zgjedhjet, caktimin e dates se zgjedhjeve dhe dates se paraqitjes se kandidaturave eshte vendim i pa mbeshtetur ne statut.
Ne baze te nenit 40/2 te statutit te Partise, shpallja e dates se zgjedhjeve dhe e dates se paraqitjes se kandidaturave eshte kompetence e Kryesise Partise.
Per ta vendosur situaten ne shtratin statutor, per te garantuar integritetin e zgjedhjeve ne Parti dhe per te rifituar besimin e anetaresise, eshte e nevojshme rinisja e procesit mbi bazat e statutit te PDSH-se”, shkruan Ristani në facebook.
