Operacion i AKU në liqenin e Butrintit për midhjen.Procedohen 7 subjekte dhe gjobiten me nga 300 mijë lekë secili
Një operacion i AKU dega Sarandë në bashkëpunim me Drejtorinë e Përgjithëshme të AKU,Tiranë, u organizua paraditen e së mërkurës në liqenin e Butrintit. Qëllimi i këtij operacioni ishte për të parë nga afër kushtet e punës, mjediset ku midhja nga guackë kthehet në tul.
U panë kushte jo të përshtatshme higjiene, që në nxjerrje të midhjes nga deti, zierjen dhe kthimin e saj në tul.
Në operacionin e ditës së sotme për kushte jo të përshtashme dhe pa higjenë u proçeduan 7 subjekte private edhe pse ishin të licensuara dhe u gjobitën me nga 300 mijë lekë të reja secili. U bllokua 50 kg midhje tul si dhe 300 kg guackë, midhje e zier dhe gati për hapje për t’u kthyer në tul.
