Aksioni i filluar prej dates 1 shkurt kunder lidhjeve te paligjme, ka dhene rezultatet e para edhe në Sarandë.
Ashtu siç kishim paralajmëruar në Saranda Web, ku humbjet e ujësjellësit në Sarandë nuk vijnë nga përdorimi i ujit të familjeve por nga përdorimi i ujit për mbushjen e pishinave të hoteleve, kjo rezultoi e vërtetë edhe nga aksioni i Task Forcës së Ujit.
Në ditën e parë, sipas burimeve të Saranda Web, janë konstatuar 2 lidhje të paligjshme që furnizonin 2 pishina të hoteleve me emër në Sarandë (për arsye etike nuk po i përmendim).
Të njëjtat burime shprehen se pronarët e hoteleve janë dërguar për ndjekje penale, por ende nuk dihet nëse do të ketë ndjekje penale për personat e tjerë përgjegjës në Ujësjellës kanalizime që kanë bërë të mundur lidhjen dhe lejimin e këtyre lidhjeve të paligjshme, pasi linja e re e ujësjellësit përfundoi vetëm 1 vit më parë.
