Aksi rrugor Ura e Gajdarit- Sarandë: Investimi i lënë përgjysmë

Vëzhgimi ynë
AKSI rrugor Ura e Gajdarit- Sarandë: Investimi i lënë përgjysmë. Eshtë një histori disa vjeçare. Ka nisur qysh në vitet 2005 bashkë me fondin e dhënë për rrugën Qaf-Botë ­ Sarandë, Drejtoria e Përgjithëshme e Rrugëve ne Ministrinë e Transporteve, tenderoi edhe fondin për projektin e rrugës hyrëse në Sarande, në një gjatësi rreth 2 km, nga Ura e Gajdarit në kryqëzimin e rrugëve te vendi i quajtur “Rrapi”. Ishte një financim prej mbi 350 milionë lekë. Sot, gati 11 vite pas tenderimit të fondeve për këtë “copë” rruge kemi këtë gjendje.

Nga Ura e Gajdarit deri në pikën takuese të rrugës drejt qytetit, me rrugën e Bregut, nuk është bërë asgjë domëthenëse, veç zgjerimit të këtij segmenti në kthesat pranë urës dhe ajo që duket, është ndërtuar vetëm ura mbi lumin Kalasë. Bashkia, me fondet e veta ka bërë disa ndërhyrje në segmentin e lënë në mes ,duke mbushur gropa apo asfaltuar një pjesë të saj. Edhe segmenti rrugor , rreth 1.5 km i konsideruar i përfunduar, rezulton të jetë marrë në dorëzim nga Autoriteti Kombëtar i Rrugëve.
Harresa dhe injorimi i kësaj rruge nga qeveritë e viteve të fundit që mbetet në të njëjtën kohë edhe injorim i rrugës hyrëse për në qytetin tursitik të Sarandës. Ndërsa nga ana e pushtetit lokal askush nuk di të thotë një gjë të saktë se kur do të përfundojnë punimet në këtë aks rrugor. Sa për ndriçimin nga Ura e Gajdarit deri në Sarandë kjo është një handikap tjetër që flet tërësisht për injorimin e Sarandës .

Ministri i Transporteve Edmond Haxhinasto i pyetur në lidhje me këtë temë tha se “projektet tona janë përmirësimi i infrastrukturës kudo qoftë, por sigurisht duhet bërë në kohën e duhur, duhet përgatitur projekti dhe pastaj duhet planifikuar investimi”