Adriatik Lapaj Paralajmëron Kallëzim Penal për Fondin Shqiptar të Zhvillimit për Punimet në Sarandë
Adriatik Lapaj, kreu i lëvizjes “Shqipëria Bëhet”, ka paralajmëruar një kallëzim penal kundër Fondit Shqiptar të Zhvillimit, duke ngritur shqetësime të mëdha për cilësinë e punimeve të kryera në Sarandë.
Në një koment të bërë në një publikim të Saranda Web, Lapaj kritikoi ashpër mënyrën se si janë vendosur tubat e kanalizimeve në qytet, duke e quajtur situatën të papranueshme.
“Të bëhen gati te Fondi Shqiptar i Zhvillimit se do shkojnë me kallëzim penal. I kanë vendosur tubat e kanalizimeve si pipzat e kokakolës. Boll është boll!” – shkruan Adriatik Lapaj.
Kjo deklaratë e fortë vjen mes pakënaqësive në rritje nga ana e banorëve për projektet e infrastrukturës në Sarandë, të cilët shpesh herë janë kryer nga Fondi Shqiptar i Zhvillimit pa u konsultuar me banorët dhe janë konsideruar si të paplanifikuara mirë dhe të realizuara me standarde të ulëta.
