Reklamë

260 mm shi në 72 orë, bilanci nga çarja e argjinaturës: 800 krerë bagëti të ngordhura dhe 1350 ha të përmbytura

260 mm shi në 72 orë, bilanci nga çarja e argjinaturës: 800 krerë bagëti të ngordhura dhe 1350 ha të përmbytura

 

Përmbytjet e fuqishme të mes-nëntorit kanë lënë pas një bilanc të rënduar në jug të vendit, ku bashkitë Sarandë, Finiq dhe Delvinë rezultojnë më të goditurat. Sipas të dhënave zyrtare, dëmet më serioze janë regjistruar në territorin e Sarandës, pas çarjes së argjinaturës së lumit Bistrica në fshatin Çukë – një problem i cili ka shkaktuar përmbytje të gjera dhe pasoja të drejtpërdrejta në blegtori, bujqësi dhe infrastrukturë.

 

Argjinaturat çahen, përmbytje masive në Çukë, Konispol dhe Shalës

 

Kreu i Emergjencave Civile në prefekturën e Vlorës, Robert Skendaj, konfirmon se procesi i evidentimit të dëmeve në të gjitha bashkitë e qarkut ka përfunduar. Ai bën të ditur se vetëm në bashkinë Sarandë kanë ngordhur rreth 800 krerë bagëti, ndërsa në Finiq janë regjistruar 50 humbje të tjera. Humbjet e blegtorisë konsiderohen ndër më të rëndat e viteve të fundit për zonën.

 

Edhe bujqësia ka pësuar goditje të ndjeshme. Sipas Skendajt:

 

  1. 600 hektarë tokë bujqësore janë përmbytur në Sarandë,
  2. 400 hektarë në Finiq,
  3. 350 hektarë në Delvinë,
  4. Në Konispol është raportuar prezencë uji në sipërfaqet me agrume, duke rrezikuar kulturat e sezonit.

 

Situata e krijuar lidhet me intensitetin e jashtëzakonshëm të reshjeve. “Për tre ditë ra shi sa për dy muaj,” u shpreh Skendaj, duke shtuar se nga data 19 deri më 21 nëntor janë regjistruar 260 mm reshje, një sasi që zakonisht bie brenda 60 ditësh.

 

Grupet e verifikimit kanë mbyllur tashmë evidentimin e dëmeve në infrastrukturë, në tokat bujqësore dhe tek subjektet private, përfshirë bizneset që u prekën nga çarja e argjinaturës së Bistricës në Finiq dhe Sarandë. Hapi i radhës është përllogaritja financiare e faturës totale të dëmeve.

 

Ndërkohë, Ministria e Mbrojtjes dhe Ministria e Financave u kanë kërkuar bashkive të paraqesin projektet konkrete të ndërhyrjeve emergjente, me theks tek urat e dëmtuara, segmentet ku ka patur rrëshqitje dhe zonat rurale ku qarkullimi mbetet problematik.

Bilanci i plotë, së bashku me vlerën e dëmeve në bujqësi dhe blegtori, do t’i dorëzohet qeverisë, e cila pritet të vendosë për skemën e dëmshpërblimeve në ditët në vijim.

 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb

Reklamë

NDAJE ME MIQTË

NA NDIQNI:

POSTIMET E FUNDIT

Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47
Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

19 Nëntor 2026 21:25
Ndahet papritur nga jeta këngëtari i polifonisë shqiptare Elton Zholi

Ndahet papritur nga jeta këngëtari i polifonisë shqiptare Elton Zholi

19 Nëntor 2026 08:33
Prokurori i Sarandës Edison Ademi fiton në Strasburg, vendimi i Gjykatës: U shkarkua padrejtësisht

Prokurori i Sarandës Edison Ademi fiton në Strasburg, vendimi i Gjykatës: U shkarkua padrejtësisht

18 Nëntor 2026 18:02
Flamurtari dhe Butrinti përballen sot në Kupë, sarandiotët synojnë surprizën

Flamurtari dhe Butrinti përballen sot në Kupë, sarandiotët synojnë surprizën

18 Nëntor 2026 09:54