22-vjeçarja nga Saranda dëshmitare e vrasjes së prindërve, ende në gjendje shoku.
Vajza 22-vjeçare e Afrim Uzos, i cili mëngjesin e ditës së parë të vitit 2016 ekzekutoi me breshëri automatiku gruan dhe më pas qëlloi ndaj vetes, vijon të jetë në gjendje të rënduar psikologjike e shtruar në spitalin e Sarandës.
Policia ende se ka marrë në pyetje të renë për të hedhur më shumë drite mbi dinamikën e krimit që tronditi mbarë vendin 1 janarin e 2016-ës.
22-vjeçarja nga Saranda ndodhej brenda në banesë me të ëmën Liljana Uzon 45-vjeçare, kur ka ardhur kryefamiljari.
50-vjeçari Afrim Uzo pasi ka debatuar me gruan e tij ka qëlluar drejt saj më armë zjarri duke i shkaktuar vdekjen e menjëhershme, ndërsa më pas ka qëlluar në drejtim të vetes.
Çifti ishte drejt divorcit, ndërsa gjykata kishte lëshuar urdhër mbrojtje për Liljana Uzon.
Ndërkohë dëshminë në polici ende nuk e ka dhënë as djali 20-vjeçar i familjes Uzo, i cili aktualisht ndodhet pranë së motrës në spitalin e Sarandës. Pranë të rinjve ndodhet edhe një psikolog.
