21-vjeçari nga Shën Vasili i jep fund jetës në mënyrë tragjike

Nga informacionet e policisë, njoftohet se rreth orës 08:10, është gjetur një person i vetëvarur në banesën e tij në Shën Vasil, bashkia Himarë.  21-vjeçari me iniciale A. P është gjetur i vetëvaruar (pa shenja jete) nga familjarët e tij. Ngjarja ka ndodhur në banesën e tij, ku dyshohet se viktima është vetëvarur në kangjellat prej hekuri të banesës 2-katëshe, për shkaqe ende të paqarta. Nga ekspertiza paraprake mjeko ligjore, në trupin e viktimës nuk janë konstatuar shenja dhune apo dëmtime të tjera. Grupi hetimor ndodhet në vendin e ngjarjes dhe po kryen hetimet për sqarimin e rrethanave dhe shkaqeve të vetëvarjes.