Ndryshime të papritura në PD Sarandë, Ilir Nikolla zgjidhet n.kryetar i Degës.
Kryesia e Partisë Demokratike dega Sarandë gjatë mbledhjes së ditës së sotme ka marrë një vendim të papritur, por jo dhe të pavend. Vendimi që mesa duket vjen i detyruar nga qendra ka të bëjë me vënien në vend të një padrejtësie dhe shkelje të balancave që ishte bërë 3 vite më parë.
Demokratët e Sarandës gjatë historisë së tyre politike kishin bërë si rregull të tyre që kandidati që dilte me vota pas kandidatit fitues për kryetar partie të ishte dhe nr. 2 i degës, por që ky rregull u shkel në vitin 2013.
Ish-Studenti i Dhjetorit Ilir Nikolla vjen në postin që i takonte vetëm pak muaj përpara zgjedhjeve të 18 qershorit edhe si një kompromis për bashkimin e të gjithë faktorëve brenda dhe jashtë selisë së PD në Sarandë. 
