Nëna denoncon në Policinë e Sarandës: Më dhunuan dhe filmuan vajzën 12-vjeçare
Një ngjarje e rëndë është denoncuar në Polici, ku dy të mitur të moshës 14 dhe 15 vjeç, janë vënë nën hetim penal pas një episodi të dhunshëm ndaj një vajze vetëm 12 vjeçe.
Sipas njoftimit zyrtar të Policisë së Sarandës, më datë 10 korrik 2025, një shtetase 38 vjeçe, ka paraqitur një kallëzim në Komisariatin e Policisë, duke deklaruar se vajza e saj e mitur ishte dhunuar një ditë më parë nga dy bashkëmoshatarë të saj. Ngjarja merr përmasa edhe më shqetësuese, pasi akti i dhunës është filmuar dhe më pas është shpërndarë në rrjetet sociale, duke e ekspozuar viktimën përballë një presioni të madh psikologjik dhe traumatizimi publik.
Menjëherë pas kallëzimit, Specialistët për Hetimin e Krimeve në Komisariatin e Policisë Sarandë kanë referuar materialet në Prokurori dhe kanë nisur procedimin penal ndaj dy të miturve të dyshuar.
Hetimet tashmë janë në dorë të Prokurorisë së Sarandës, e cila pritet të vijojë me veprimet e mëtejshme procedurale për zbardhjen e plotë të ngjarjes dhe marrjen e masave të nevojshme ligjore.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
