Mbyllet gropa ku ra fëmija 7-vjeçar, por ujrat e zeza shpërthejnë në dyert e shtëpive

 Mbyllet gropa ku ra fëmija por ujrat e zeza shpërthejnë në dyert e shtëpive.
Gropa e hapur prej më shumë se një muaji në rrugën 5 është mbyllur.
Kujtojmë se në këtë gropë, e cila ishte hapur në mesin e trotuarit dhe ishte lënë pa asnjë masë mbrojtëse, përpara disa ditësh ra dhe mori lëndime të rënda një fëmijë 7 vjec.
Por mbyllja e kësaj grope, për të cilët banorët akoma nuk dinë se nga kush dhe përse ishte hapur, ka shkaktuar për banorët e një pallati një shqetësim serioz, pasi menjëherë pas mbylljes së gropës banorët kanë vënë re se ujrat e zeza kanë shpërthyer në dyert e shtëpive të tyre.
Banorët e këtij pallati, por edhe të zonës përreth, bëjnë apel për ndëryrje të menjëhershme pasi rrezikohet shëndeti dhe jeta e tyre.