Ka rezultuar tepër zhgënjyese për çamët në Sarandë marëveshja Rama-Idrizi. Nga 4 poste që ishin premtuar fillimisht, për PDIU e Sarandës janë dhënë vetëm 2 poste, madje këto me asnjë ndikim në atë që shpresonte elektorati i saj, në punësim. Një nga postet që i është dhënë PDIU në Sarandë është posti i nënkryetarit të katërt të Bashkisë Sarandë, ku është caktuar kreu lokal i PDIU. Posti tjetër mësohet se është ai i drejtuesit të zyrës së punës në Sarandë, i cili do të drejtohet nga një tjetër drejtues lokal i kësaj partie, por post i cili nuk ka shumë mundësi punësimi. Me kaq është mbyllur marëveshja PS-PDIU për Sarandën.
