Zgjedhjet lokale, 6 kandidatët e mundshëm të PS-së për Bashkinë Sarandë
Për zgjedhjet lokale të vitit 2019 një garë interesante pritet të zhvillohet edhe në Bashkinë e Sarandës. Nuk është një bashki, le të themi e dorës së dytë. Përkundrazi, palët që hyjnë në zgjedhje investohen fort në çdo rast sepse Saranda ka qenë dhe mbetet një nga qytetet e rëndësishme të jugut për shkak të turizmit. I pari i Sarandës përveç anës honorifike që i jep posti, akumulon rreth vetes shumë pushtet. Lejet e ndërtimit janë vetëm një aspekt ilustrues, por jo i vetmi. 9 muaj para zgjedhjeve kanë nisur të qarkullojnë emrat e parë si kandidatë të mundshëm në radhët e Partisë Socialiste, ndonëse zyrtarizimi bëhet zakonisht në limitet e kohës. Huq i mbrapshtë i politikës shqiptare ky! ArgjiroLajm.net sjell 6 emra, njëri prej të cilëve me gjasë do të marrë ‘Ok’ nga Edi Rama dhe strukturat e PS-së.
Armand Hysi
Nëse atij do t’i besohet kandidimi, për familjen Hysi kjo do të ishte e treta e vërteta. Dy herë babai i tij tentoi të zgjidhej kryebashkiak i Sarandës, por dështoi. Sigurisht që Armandi nuk kërkon të përsërisë dështimin e të atit. Mbase kur vjen puna tek zgjedhjet, ai urren edhe shprehjen “bëmë baba të të ngjaj…” sepse nuk kërkon t’i ngjajë atij tek pjesa e suksesit politik në nivel lokal. Edhe pse ekonomist me profesion, Armand Hysi aktualisht ka pak kohë që është emëruar drejtor i Hipotekës në Sarandë. Ka gjithashtu edhe angazhim si pedagog në Fakultetin Ekonomik të Universitetit ‘Eqrem Cabej’ në Gjirokastër, qysh prej momentit kur u diplomua.
Sheme Lulo
Mbase ju që po lexoni këto radhë do pandehni se jemi duke bërë shaka me përfshirjen e emrit të tij në këtë listë sepse do kujtoni episodin banal të shkurtit 2018, kur Lulo si drejtor i Ujësjellësit Sarandë kishte ‘eksperimentuar’ me qytetarët duke i lënë pa ujë, thjesht për të parë reagimin e tyre. Dhe këtë idiotësi e thoshte me mburrje në ekran. Nëse ne do të ishim një vend normal, Sheme Lulo duhet të ishte shkarkuar nga pozicioni që mbante që pas asaj deklarate. Por për dreq ne nuk jemi një vend normal, prandaj mos u habisni fare nëse në muajt e ardhshëm ai do të fanepset si kandidat i socialistëve për kryetar bashkie i Sarandës. Ne urojmë që jo, por s’kemi gjë në dorë. Një drejtor që eksperimenton me qytetarët si të ishin kavje, kushedi çfarë është në gjendje të bëjë si kryetar bashkie.
Mariel Murati
Socialist race dhe drejtues në disa institucione. Më i fundit ka qenë ALUIZNI, prej nga ku u largua në shkurt të këtij viti. Javën e shkuar u zgjodh si Sekretar Organizativ i PS-së në Sarandë. Me Koço Kokëdhimën ka pasur përplasje. Madje ai që për disa kohë u vetëshpall ‘kryeministri i jugut’ pati ndikuar te largimi i Muratit nga posti i drejtorit të Doganës së Qafë Botës. Dhe siç rrodhën gjërat më vonë, mbase përplasja me Koçon mund t’i kthehet në avantazh. Sot Koço Kokëdhima është në të njëjtën llogore me opozitën. Si drejtor ALUIZNI, me siguri që ka bërë plot ndere e ndoshta ka prishur qejfe, sepse normalisht kurrë s’i kënaq dot të gjithë. Mariel Murati njihet gjithashtu si një nga kontributorët e rëndësishëm të PS-së, jo vetëm në qytet, por edhe me strukturat në emigracion, kryesisht në degën e Greqisë. Por jo domosdoshmërisht këto mjaftojnë për t’u nominuar si kandidati i PS-së në Bashkinë Sarandë.
Adrian Gurma
Hë për hë nuk bën pjesë në listën e gjatë të atyre mjekëve që ikin nga sytë këmbët drejt Gjermanisë për një rrogë e jetesë më të mirë sepse s’kanë më shpresë në këtë vend. Nuk është as në listën e mjekëve që braktisin Tiranën për spitalet e rretheve, thjesht për të përfituar bonusin e qeverisë ‘Rama’. Por ndoshta mund të hyjë në listën e mjekëve që heqin dorë nga profesioni për t’u bërë pjesë e politikës dhe vendimmarrjes edhe pse për hir të së vërtetës historia në Shqipëri ka treguar se mjekët në politikë kanë qenë një dështim. Shembull ‘par excellence’ i kësaj është Sali Berisha! A do të jetë Adrian Gurma ‘kirurgu’ i Sarandës?! Të shohim!
Elton Dauti
Pas drejtimit të filialit të Postës Shqiptare në Sarandë, u emërua te Drejtoria e Transporteve. E përshkruajnë si burokrat model, por jo shumë karizmatik dhe të artikuluar në publik. A mund të mbajë Sarandën si bashki të drejtuar nga socialistët?! Kjo nuk është vetëm një sfidë personale e tij, por edhe e bast me risk i atyre që do ta nominojnë. Gjithmonë nëse ndodh që Elton Dauti merr ‘OK’ nga PS.
Floriana Koka
Ata që njohin simbolikën e akteve apo lëvizjeve publike në politikë, s’kanë asnjë dyshim që padia nga Inspektoriati Kombëtar i Mbrojtjes së Territorit për Floriana Kokën në maj të këtij viti, ishte për t’i vënë fre çdo dëshire të mundshme të saj për të kërkuar rikandidim. Në këtë mënyrë Rama ‘hoqi qafe’ Shpëtim Gjikën në Vlorë, Flamur Bimen në Gjirokastër apo ndonjë tjetër në radhët e veta. Por nuk është çudi që të ketë ‘deal’ të minutave të fundit dhe e katapultuara e Koço Kokëdhimës në 2015 të rikandidohet sërish nga Edi Rama. Pas ‘zgjidhjes’ së Koços nga PS-ja, Floriana Koka u kujdes në çdo rast të demonstronte se nuk e lidhte më asgjë me të. Si çdo femër tjetër në politikë dhe vendimmarrje, ajo nuk i ka shpëtuar dot stigmatizimit në moçalishten tonë maskiliste. Në shumë raste sulmohej edhe thjesht sepse ne s’e durojmë dot të qeverisemi apo kemi mbi krye femra. Por në plot herë të tjera akuzat mbi të ishin deri diku të përligjura. Është e pakuptueshme se përse një kryebashkiake duhet të prishte shkallaret e vjetra plot histori të qytetit, për t’i zëvendësuar me mermer industrial. Sikundër nuk harrohet as histeria e saj gjatë një takimi publik me tregtarët që kundërshtonin largimin nga shëtitorja.
Natyrisht që këto janë vetëm 6 emra të mundshëm. Në muajt e ardhshëm do të ketë shumë zhvillime dhe deomos që në skenë priten personazhe të rinj. Lobimi, pazaret dhe aleancat do të ushtrojnë ndikimin e vet derisa të zyrtarohet kandidati i socialistëve për Bashkinë Sarandë. Të presim! © ArgjiroLajm.net
Na ndiqni:
Postimet e fundit
Agjenci Imobiliare në Sarandë kërkon Agjent me eksperiencë
08/10/1823:30
Baza e Limionit/ SPAK merr në pyetje ish-zyrtarë, ushtarakë dhe biznesmenë
08/10/1823:30
Ultimatumi i Mirela Kumbaros: Tolerancë zero për struktura betoni në plazhe
08/10/1823:30
Kumbaro në Athinë: ja projektet e Shqipërisë për përmirësimin e cilësisë së ujërave – VIDEO
08/10/1823:30
NJOFTIM PUNËSIMI NË HOTEL IL CONTE DI MONTE CRISTO NË SARANDË
08/10/1823:30
Policia Bashkiake Sarandë ngre alarmin: Po na zaptojnë hapësirat publike me rulot
08/10/1823:30
Ekipi i basketbollit të shkollës “Adem Sheme” Sarandë shkon në finalen e madhe ndaj Shkodrës
08/10/1823:30
Manjola Nikollo: Ina Zhupa më ka bërë intriga dinake
08/10/1823:30
Furtunë në PD Sarandë, Manjola Nikollo rrebelohet ndaj “procesit të intriguar”
08/10/1823:30
Njoftim punësimi në hotel për Punonjëse Pastrimi, Kuzhinë për mëngjeset dhe Kamariere
08/10/1823:30
Rezervime
Dhomë dyshe me ballkon – Vila Park Bujari Ksamil
08/10/1823:30
Apartamenti 2 – Vila Stupende
08/10/1823:30
Apartament 1+1 – City Glow
08/10/1823:30
Apartament 2+1 me pishinë
08/10/1823:30
Vila Alvin, Apartament 2+1 me pamje nga deti
08/10/1823:30
Suvenire
PUNIME ARTIZANE ME MOTIVE NGA BUTRINTI, PJETER PERKEQI 18
08/10/1823:30
Anija Liburna, punim në dru nga Agur Kapo
08/10/1823:30
PUNIME ARTIZANE ME MOTIVE NGA BUTRINTI, PJETER PERKEQI 5
08/10/1823:30
PUNIME ARTIZANE BUTRINT PJETER PERKEQI 31
08/10/1823:30
DEA e Butrintit, punim në gur nga Agur Kapo
08/10/1823:30