Zgjatet vlefshmëria e pasaportave që skadojnë në 2020

Vlefshmëria e pasaportave që skadojnë në 2020 është zgjatur deri më 31 dhjetor të këtij viti. Vendimi është marrë nga Këshilli i Ministrave ditën e djeshme përmes një akti normativ.
Në bazë të VKM-së thuhet se afati i vlefshmërisë së pasaportave të shtetasve shqiptarë, që përfundon brenda vitit 2020, shtyhet deri me datë 31 dhjetor 2020.

“NJË SHTESË NË LIGJIN NR.8668, DATË 23.10.2000, “PËR PAJISJEN E SHTETASVE SHQIPTARË ME PASAPORTË PËR JASHTË SHTETIT”, TË NDRYSHUAR. Në mbështetje të nenit 101 të Kushtetutës, me propozimin e Kryeministrit dhe ministër për Evropën dhe Punët e Jashtme dhe të ministrit të Brendshëm, Këshilli i Ministrave

V E N D O S I: Neni 2. Në ligjin nr.8668, datë 23.10.2000, “Për pajisjen e shtetasve shqiptarë me pasaportë për jashtë shtetit”, të ndryshuar, pas nenit 14/2 shtohet neni 14/3, me këtë përmbajtje:

“Neni 14/3. Dispozitë kalimtare/ Afati i vlefshmërisë së pasaportave të shtetasve shqiptarë, që përfundon brenda vitit 2020, zgjatet deri në datën 31 dhjetor 2020.”.