Vrau tezen dhe fshehu kufomën në bodrum për t`i marrë pensionin

Një ngjarje shokuese është zbuluar në fshatrat e Janinës në Greqi, ku një 55-vjeçar ka vrarë tezen e tij dhe kufomën e kishte në një arkë në bodrumin e shtëpisë.

Ngjarja ka ndodhur rreth 2 muaj e gjysëm më parë, por që është zbuluar vetëm ditën e sotme.

55-vjeçari, i cili u arrestua nga policia pasi gjeti trupin e tezes së tij 69-vjeçare në një arkë, në shtëpinë e saj në Repetisti Pogon, i tha policisë se 69-vjeçarja vdiq dhe ai e fshehu trupin e saj në budrum për të vazhduar mbledhjen e pensionit të saj, i cili ishte rreth 600 euro.

Sipas informacioneve, koha e vdekjes së 69-vjeçares përcaktohet në një periudhë para 2 deri 2.5 muajsh, në maj 2021.
Nën Drejtoria e Sigurisë së Janinës, e cila kreu hetimin paraprak, ka urdhëruar një ekspertizë mjeko-ligjore, ndërsa personi i arrestuar do të dërgohet në Prokurorinë Publike të Janinës.