Vijojnë problemet me rrjetin elektrik në Sarandë, momenti kur kablli shpërthen në flakë – VIDEO

Vijojnë problemet me energjinë elektrike në Sarandë. Një kabëll elektrik ka shpërthyer përballë gjykatës së Sarandës, duke shkaktuar panik te banorët dhe kalimtarët.

Qytetarët e Sarandës që janë gjendur paraditen e sotme në rrugën pranë gjykatës, kanë përjetuar momente të frikshme pasi telat e korrentit dhe një kabull elektrik bënë masë dhe shpërthyen në flakë.

View this post on Instagram

A post shared by Saranda Web (@saranda.web)

Në një video të siguruar nga Saranda Web duket që telat shpërthejnë në flakë dhe dëgjohen shpërthime.

Qytetarë të tmerruar duket që largohen, ndërsa disa i bëjnë thirrje të tjerë të largohen pasi mund tu rrezikohet jeta.

Shpërthimi ka shkaktuar dëme sidomos në makina të cilat u gjendën rastësisht të parkuara aty. Nga dëshmitarët mësohet se janë dëmtuar 4 makina që ishin të parkuara pranë vendit ku ndodhi shpërthimi.  

“Katrahurë. U përvëluan të gjitha makinat por shyqyr që nuk u gjendën kalimtarë në ato momente aty” thotë një qytetar.

Një qytetar thotë se i janë dëmtuar dhe pajisje elektroshtëpiake. Menjëherë më pas ka ndërhyrë punonjësit e OSHEE-së të cilët kanë rrethuar zonën dhe kanë nisur punën për riparimin e kabullit elektrik.

Rrjetat e “merimangave” të fijeve të korrentit, apo të internetit, vazhdojnë të lidhin pallatet e ndërtesat me njëra-tjetrën dhe mbi kokën e qytetarëve janë shqetësuese. Tela të zhveshur apo të paizoluar mirë nga momenti në moment mund të kthehen në burim fatkeqësie.
Lajmi ne perditesim…