U kthye nga Greqia dhe në tokën e tij gjeti një kjoskë gati për Legalizim – VIDEO

Emigranti kthehet nga Greqia, gjen tokën e tij të zaptuar me një kioskë gati për legalizim!

Një emigrant i kthyer nga Greqia ka denoncuar një rast shqetësues të tentativës për grabitjen e tokës së tij në Sarandë. Ai ka dërguar një ankesë në Saranda Web, duke treguar me prova sesi persona të panjohur kishin vendosur një kioskë dhe një furgon në pronën e tij, me qëllim që të kryenin fotografi satelitore për ta legalizuar më pas në mënyrë të paligjshme.

“Rastësisht u ktheva nga Greqia dhe shkova të shihja tokën time. Aty gjeta një kioskë dhe një furgon. Menjëherë lajmërova Policinë Bashkiake, e cila ndërhyri dhe detyroi largimin e tyre,” – tregon emigranti në ankesën e tij.

Sipas tij, ky nuk është një rast i izoluar, por një skemë e mirëorganizuar nga persona që përpiqen të përvetësojnë prona në Sarandë, duke përfituar nga vonesat e institucioneve për pajisjen e qytetarëve me certifikatat e pronësisë. “Kemi tre vjet që presim një zgjidhje, por asgjë nuk po bëhet,” – shton ai.

Banori i revoltuar kërkon marrjen e masave të rrepta kundër këtyre praktikave, që po dëmtojnë pronarët e ligjshëm dhe po krijojnë pasiguri juridike në Sarandë. Ai apelon ndaj autoriteteve që të ndërhyjnë me urgjencë për të mbrojtur të drejtat e qytetarëve dhe për të ndalur këtë fenomen shqetësues.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb