Reklamë I Love Orange

Thoma Milaj nderohet me një mbrëmje përkujtimore në Sarandë – VIDEO

Thoma Milaj nderohet me një mbrëmje përkujtimore në Sarandë

Me emocione, kujtime dhe vlerësime për kontributin e tij në artin skenik shqiptar, në Galerinë “Art Saranda” u zhvillua mbrëmja përkujtimore “Regjisori me muzikën në shpirt”, kushtuar regjisorit Thoma Milaj, mbajtës i titullit “Mjeshtër i Madh”.

 

 

Aktiviteti mblodhi artistë, familjarë, miq dhe qytetarë, të cilët kujtuan jetën dhe veprën e një prej emrave më të rëndësishëm të Estradës Profesioniste të Sarandës.

 

Gjatë mbrëmjes mbajtën fjalën Vangjel Agora, i cili ndau kujtime nga bashkëpunimi dhe veprimtaria artistike e Thoma Milajt, nënkryetarja e Bashkisë Sarandë, Manjola Nikollo, e cila vlerësoi trashëgiminë kulturore që ai i la qytetit, si dhe studiuesi dhe kritiku i njohur i artit Josif Papagjoni, i cili evidentoi rolin e Thoma Milajt në zhvillimin e teatrit muzikor dhe estradës shqiptare.

 

Në fjalët e tyre u theksua se Thoma Milaj ishte jo vetëm një regjisor me vizion artistik, por edhe një edukator i brezave të rinj të aktorëve, duke ndikuar në formimin e dhjetëra artistëve dhe duke realizuar mbi 100 premiera që mbeten pjesë e historisë së teatrit dhe humorit shqiptar.

 

I lindur në Gjirokastër në vitin 1934, Thoma Milaj drejtoi për më shumë se 25 vite Estradën Profesioniste të Sarandës, duke i dhënë asaj një identitet të veçantë përmes komedive muzikore, vodevilëve, skeçeve dhe shfaqjeve që u shquan për humorin, ritmin dhe muzikalitetin.

 

Mbrëmja u shndërrua në një homazh për jetën dhe krijimtarinë e tij, duke rikthyer në kujtesë kontributin e jashtëzakonshëm që Thoma Milaj dha për kulturën e Sarandës dhe të gjithë Shqipërisë. Saranda Web

 

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

21 Nëntor 2026 19:15
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47
Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

19 Nëntor 2026 21:25