Ekipi i Butrintit ditën e shtunë do të luajë me ekipin e Dinamos në stadium “Andon Lapa” të qytetit të Sarandës. Të shtunën pra rifillon Kampionati Kombëtar i Kategorisë së Parë. Pas një pushimi 1 mujor ekipi i Butrintit do të kthehet në fushën e blertë. Trajneri i Butrintit Flamur Shehu tregon se ekipi po përgatitet me intensitet për të arritur formën sa më optimale në ndeshjen me Dinamon. Tekniku Shehu tregon se tashmë tek Butrinti janë zyrtarizuar 2 afrimet e para bëhet fjalë për futbollistët Lorenc Shehaj dhe Ardit Qejvani i pari sulmues e i dyti mesfushor me tipare të avancuara. Sipas teknikut të Butrinti në ditët në vijim pritet konfirmimi zyrtar edhe për dy futbollistë të tjerë të cilët kanë arritur akordin parimisht për të luajtur fazën e dytë me ekipin e Butrintit. Tekniku Shehu thekson se mbrojtësi Kuci dhe portieri Hallunaj mbeten pjesë e ekipit të Butrintit pasi ata me paraqitjet e tyre e kanë justifikuar besimin e stafit teknik.
