Reklamë I Love Orange

Tatimet paralajmërojnë influencerat: “Ne e dimë sa keni fituar – deklarojini, ndryshe do të gjobiteni”

Tatimet paralajmërojnë influencerat: “Ne e dimë sa keni fituar – deklarojini, ndryshe do të gjobiteni”

 

Administrata Tatimore ka lëshuar një paralajmërim të drejtpërdrejtë për influencerat dhe të gjithë individët që realizojnë të ardhura përmes platformave online. Sipas njoftimit zyrtar, çdo e ardhur e gjeneruar nga rrjetet sociale dhe platformat digjitale duhet të deklarohet brenda datës 31 mars 2025, përmes sistemit DIVA, në të kundërt do të aplikohen penalitete sipas ligjit.

 

 

Influencerat që merren me reklamime online janë ndër kategoritë kryesore që duhet të deklarojnë të ardhurat e përfituara nga aktiviteti i tyre në internet.

 

Çfarë duhet të deklarohet?

 

Në Deklaratën e të Ardhurave Individuale (DIVA 2025) duhet të përfshihen të gjitha të ardhurat e realizuara gjatë vitit 2024, përmes:

  • Platformave të grupit Meta (Facebook, Instagram, TikTok)
  • Google dhe YouTube
  • Platformave të akomodimit si Airbnb dhe Booking
  • Çdo platformë tjetër online që gjeneron të ardhura

 

Administrata Tatimore thekson se duhet të deklarohen jo vetëm pagesat e marra në llogari bankare, por edhe ato të realizuara në forma të tjera pagese, qoftë elektronike apo fizike.

Në njoftim, Tatimet bëjnë të qartë se disponojnë të dhëna mbi të ardhurat e qarkulluara përmes këtyre platformave. Kjo do të thotë se çdo mosdeklarim mund të identifikohet dhe të shoqërohet me gjoba apo penalitete të tjera sipas legjislacionit në fuqi.

 

Gjatë vitit të kaluar, sipas të dhënave zyrtare, rreth 33 milionë euro të ardhura nga rrjetet sociale dhe platformat online duhej të deklaroheshin në DIVA 2024 – një shifër që tregon rritjen e fortë të ekonomisë digjitale në vend.

 

Njoftimi i plotë i Administratës Tatimore:

 

“Administrata Tatimore sjell në vëmendje të individëve, subjekt deklarimi për DIVA 2025 se:

 

Duhen deklaruar në DIVA 2025 të gjitha të ardhurat e realizuara gjatë vitit, përmes llogarive bankare apo çdo formë tjetër pagese, përfshirë ato fizike ose elektronike nëpërmjet platformave si Meta (Facebook; Instagram; WhatsApp), Google, YouTube, Airbnb, Booking etj.

 

Kujdes! Administrata Tatimore disponon të dhëna mbi të ardhurat e qarkulluara nëpërmjet këtyre platformave. Çdo mosdeklarim do t’ju vendosë përballë penaliteteve të parashikuara nga legjislacioni në fuqi.”

 

Ky paralajmërim vjen në një kohë kur fitimet nga marketingu digjital, reklamat online dhe platformat e akomodimit janë rritur ndjeshëm, duke e bërë ekonominë online një nga sektorët më dinamikë të viteve të fundit.

 

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Butrinti rikthehet te fitoret, triumfon bindshëm 3-0 ndaj Tomorit – VIDEO

Butrinti rikthehet te fitoret, triumfon bindshëm 3-0 ndaj Tomorit – VIDEO

22 Nëntor 2026 15:44
Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

21 Nëntor 2026 10:15
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47