Inspektoriati Shtetëror i Mjedisit Vlorë, pas denoncimeve të banorëve dhe pushuesve në Ksamil, ka gjobitur me 5 milionë lekë të vjetra firmën zbatuese të projektit të kanalizimeve në Ksamil. Gjatë ditëve të fundit, nga firma zbatuese e projektit, ujrat e kanalizimeve ku kryhen punimet nëpërmjet një tubacioni shkarkoheshin në det, duke sjellë një ndotje të gjithë zonës detare. Përveç gjobës prej 5 milionë lekë të vjetra, firmës së mësipërme, Inspektoriati ka vendosur pezullimin e punimeve deri në rikthimin në gjendjen e mëparshme të situatës. Punimet për rrjetin e ri të kanalizimeve në Ksamil u ndërprenë në fillim të sezonit turistik për të rifilluar në muajin tetor. Ende nuk dihet se kur do të përfundojë investimi aq i nevojshëm për qytezën turistike të Ksamilit.
