Saranda ndez Pemen-simbol te festave te fundvitit

14/12/1515:41

Shperndaje:

​Saranda ndez Pemen-simbol te festave te fundvitit

Mbrëmja e 13 dhjetorit ka shënuar ndezjen e dritave ne Pemën-simbol të festave të fundvitit, 13 metra e lartë, vendosur ne qendër të sheshit kryesor të qytetit të Sarandës. Në prani të qindra qytetarëve dhe të dhjetera artistëve Kryetarja e Bashkisë Florjana Koka, ka shtypur butonin e përcjelljes së energjisë elektrike në qarkun e Pemës dhe sheshi është ndriçuar nën nje ylber dritash.

Saranda ndez Pemen-simbol te festave te fundvitit

E shoqëruar edhe nga zëvendësministri i ministrisë së Zhvillimit Urban, Gjon Radovani dhe autoritete të tjera vendore, zonja Koka u ka drejtuar të gjithë të pranishmëve dhe gjithë qytetareve të Sarandës, urime për Krishtlindje të gëzuara dhe për një vit të mbarë e plot realizime dëshirash dhe ambiciesh me 2016.

Pas kësaj Pema-simbol është bërë vendi i shkrepjes së dhjetëra aparateve fotografike dhe i qindra fotografive të këtyre çasteve të bukura. Pas këtij momenti, grupe artistike nga Qendra Kultuore e Fëmijëve kanë performuar në një koncert të përbashkët folklorik në skenën e hapur të sheshit qendror të qytetit të Sarandës.Në sfond ishte simboli i një varke, të “vizatuar me drita”.

Kjo ishte dalja e parë e festimeve në komunitet në këtë fletë të fundit të kalendarit 2015. Të tjera ditë dhe mbrëmje të tilla e presin qytetarin sarandiot deri në kufirin e ndërrimit të viteve.


Ndajeni me miqte:

Postimet e fundit

Zjarri në Çukë, forcat zjarrfikëse dhe helikopter në vendngjarje – VIDEO
Punonjësit e Ujësjellësit sherr me banorët në Ksamil, përdoren hunj dhe grushta
Gjiri i Hartës kërkon Ekonomist/e dhe staf sezonal. Ofrohet akomodim
PIZZA SAVOS NË SARANDË KËRKON TË PUNËSOJË PICIER
Restaurant Horizonti në Borsh kërkon të punësojë Staf. Ofrohet akomodim
Detjon Vuria emërohet drejtor Sportiv i Ekipeve të Butrintit

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.