Rama në Sarandë: Rrugët me mozaik do të kthehen në shëtitore – Pa makina dhe parkim
Gjatë vizitës së tij në Sarandë, Kryeministri Edi Rama ka deklaruar se rrugët që janë shtruar me mozaik në qendër të qytetit do të kthehen tërësisht në rrugë për këmbësorët, duke hequr qarkullimin dhe parkimin e automjeteve.
“Rrugët që kemi shtruar me mozaik do i kthejmë në rrugë vetëm për këmbësorët. Do heqim qarkullimin dhe parkimin e automjeteve. Kjo do i rrisë vlerën qytetit sepse këto rrugë do të kthehen në shëtitore të vërteta”, deklaroi Rama gjatë takimit në Sarandë me biznesmenë të Shëtitores dhe militantë të Partisë Socialiste.
Ai tha se projektet urbane të ndërmarra synojnë ta transformojnë Sarandën në një qytet me hapësira publike moderne, të orientuara drejt këmbësorëve dhe turistëve. Kryeministri theksoi se “Rruga 1 dhe 2”, që do të shërbejë si një shëtitore e brendshme përveç asaj buzë detit, është tashmë në planin e investimeve dhe pritet të nisë menjëherë pas zgjedhjeve.
Ky vendim vjen si pjesë e një vizioni të ri për qytetin bregdetar, ku synohet jo vetëm përmirësimi i infrastrukturës, por edhe rritja e cilësisë së jetesës dhe vlerës ekonomike të Sarandës si destinacion turistik, theksoi Rama.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
