PS shpall kandidatët për Konispol, Delvinë, Himarë, Finiq. Për Sarandën 3 emra

Partia Socialiste është duke përmbyllur procesin e caktimit të 61 kandidatëve të saj për bashkitë. Kryesia e Partisë do të mblidhet përpara 13 majit për të miratuar listën përfundimtare, ndërsa Report TV ka mësuar se deri tani është parashikuar rikandidimi i Shuaip Beqirit në Konispol dhe Jorgo Goros në Himarë.
Sipas Report Tv, në Sarandë PS do të zgjedhë mes tre emrave Ardian Kola, Ardian Gurma ose Alket Qendro, duke lënë jashtë kandidimit kryetaren në detyrë Florjana Koka, ndërsa në Delvinë do të kandidohet një zonjë.
Në Finiq PS do të mbështesë një kandidat të propozuar nga partia e minoritetit grek MEGA. Burime nga kjo parti, bëjnë të ditur se është përjashtuar rikandidimi i Leonidha Hristos, ndërsa një ndër emrat e lakuar është kreu i MEGA Kristaq Kiço.