Policia dhe Operacionalja aksion në Sarandë dhe Ksamil – VIDEO

25/10/2420:36

Shperndaje:

Policia dhe Operacionalja aksion në Sarandë dhe Ksamil

 

Sipas njoftimit zyrtar të Policisë së Shtetit, është finalizuar operacioni policor i koduar “Andromeda”, pas disa javësh hetime me metoda proaktive. Operacioni çoi në pranga tre persona të dyshuar për trafikim dhe shitje droge në zonat e Gjirokastrës dhe Sarandës.

 

Të arrestuarit:

 

  • M. S., 45 vjeç, banues në Gjirokastër, u arrestua pas kontrollit të banesës, ku policia gjeti doza narkotikësh, një armë gjahu, municion luftarak, një radio marrëse-dhënëse dhe 250 paketa cigare të dyshuara si të kontrabanduara.
  • K. K., 45 vjeç, nga Ksamil dhe K. Xh., 41 vjeç, nga Saranda, u kapën në flagrancë me sasi narkotikësh dhe shuma parash të dyshuara si të përfituara nga shitja e dozave.

 

 

 

Materialet e sekuestruara:

  • Rreth 50 gramë kokainë dhe disa doza kanabisi.
  • Një armë gjahu dhe municion luftarak.
  • Një radio marrëse-dhënëse.
  • 250 paketa cigare pa pullë fiskale.
  • Shuma parash në lekë, euro dhe paund.
  • Katër celularë dhe dy automjete.

 

Hetimet dhe procedimet e mëtejshme:
Policia njoftoi se operacioni u drejtua nga Prokuroria e Gjirokastrës dhe u realizua nga Seksioni për Hetimin e Narkotikëve në bashkëpunim me Sektorin Operacional të DVP Gjirokastër dhe Forcën e Posaçme Operacionale.

Gjatë operacionit, sipas Policisë, nisi procedim në gjendje të lirë për shtetasin V. K., 31 vjeç, banues në Gjirokastër, pasi iu gjet një sasi e vogël kanabisi gjatë kontrollit fizik.

Materialet procedurale i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.


Ndajeni me miqte:

Postimet e fundit

Letra e babait që humbi dy vajzat në aksidentin tragjik: Luftuan të shpëtojnë vëllanë e sëmurë
KT-GREEKALBTASTE sh.p.k. kërkon të punësojë Agjent Shitjesh dhe Ekonomist
Intex Courier kërkon të punësojë punonjës për shërbimin e klientit
Progonati shpk kërkon të punësojë Agjent Shitjesh dhe Menaxher Shitjesh
Lavazho në Qafë Gjashtë kërkon punonjës
Jetonte në Britani me identitet tjetër dhe erdhi për pushime në Sarandë, arrestohet

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.