Normalizohet situata në Qafë Botë pas ndërhyrjes së deputetëve Vasil Llajo dhe Giogiakas
Pas disa ditësh vështirësish në pikën kufitare të Qafë Botës, situata e kalimit të mjeteve dhe qytetarëve është normalizuar, falë ndërhyrjes së drejtpërdrejtë të deputetit shqiptar Vasil Llajo dhe atij të Thesprotisë, Vasilis Giogiakas.
Burime pranë autoriteteve kufitare bëjnë me dije se pas kontakteve intensive dhe koordinimit mes palëve, është arritur një zgjidhje për të lehtësuar kalimin në këtë pikë strategjike, që lidh Shqipërinë me Greqinë përmes Sarandës dhe Filiatit.
Deputeti grek Giogiakas ka zhvilluar ditën e djeshme një takim me ministrin e Ekonomisë së Greqisë, Kyriakos Pierrakakis, ku është diskutuar edhe rëndësia e kësaj pike kufitare për lëvizjen e lirë të banorëve të zonës dhe për lehtësimin e qarkullimit gjatë sezonit turistik.
Nga ana tjetër, deputeti shqiptar Vasil Llajo ka qenë në kontakt të vazhdueshëm me institucionet përkatëse, duke ngritur shqetësimin e banorëve dhe biznesit lokal që vuajti pasojat e vonesave dhe kufizimeve në kalim.
Kjo ndërhyrje e përbashkët tregon rëndësinë e bashkëpunimit ndërkufitar dhe nevojën për menaxhimin e përbashkët të pikave të rëndësishme të kalimit kufitar, në shërbim të qytetarëve të të dy vendeve.
Saranda Web do të vijojë të monitorojë situatën në Qafë Botë dhe të raportojë për çdo zhvillim të mëtejshëm.
Vasil Llajo kërkon hapjen 24 orë të Doganës në Qafë Botë: Letër zyrtare autoriteteve greke
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
