Ndërtoi pa leje mur rrethues në pronën e tij, procedohet penalisht

Policia njofton se specialistët e Hetimit të Krimit në Komisariatin e Policisë Himarë proceduan penalisht për veprën penale “Ndërtimi i paligjshëm”, shtetasin R. H., 60 vjeç, banues në fshatin Borsh, Himarë.

Procedimi penal nga tij filloi sepse është konstatuar duke ndërtuar mur rrethues në pronën e tij në fshatin Borsh, Himarë, pa lejen e organeve kompetente.

Materialet i kaluan Prokurorisë, për veprime të mëtejshme.