Ndërtime pa leje edhe në Sarandë, Policia Bashkiake zbulon dy objekte

Ndërtime pa leje edhe në Sarandë, Policia Bashkiake zbulon dy objekte

Policia Bashkiake e Sarandës ka bërë të ditur se gjatë kontrolleve të vazhdueshme në territor, janë konstatuar dy raste të reja ndërtimesh pa leje në lagjen “Baba Rexhepi”.

Sipas njoftimit zyrtar, strukturat e Policisë Bashkiake, në bashkëpunim me njësitë e monitorimit dhe mbi bazën e informacioneve të mbledhura në terren, kanë konstatuar dy objekte ndërtimore që po ndërtoheshin në mënyrë të paligjshme, duke kapur në flagrancë punëtorët që po kryenin punime aktive në zonë.

Menjëherë pas konstatimit të shkeljes, janë njoftuar zyrtarisht Inspektorati i Mbrojtjes së Territorit (IMT) pranë Bashkisë Sarandë si dhe Komisariati i Policisë, të cilët kanë ndërhyrë për pezullimin e punimeve dhe marrjen e masave sipas ligjit.

Policia Bashkiake bën me dije se rasti do të referohet në Prokurorinë pranë Gjykatës së Juridiksionit të Përgjithshëm Sarandë, për fillimin e procedimeve penale ndaj përgjegjësve.

“Stop ndërtimeve pa leje” – apelon institucioni vendor, duke theksuar se kontrollet do të vijojnë pa ndërprerje në të gjithë territorin e bashkisë, me qëllim parandalimin dhe ndëshkimin e çdo veprimi të paligjshëm që cenon zhvillimin e qëndrueshëm urban të qytetit.

Policia Bashkiake fton qytetarët të denoncojnë çdo rast të ngjashëm përmes kanaleve zyrtare, në funksion të mbrojtjes së interesit publik dhe respektimit të ligjshmërisë.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb