Mbi 1 mijë firma në peticionin drejtuar kryetares së Bashkisë Florjana Koka

Thirrja për firmosjen e një petiocioni që do t`i drejtohet kryetares së Bashkisë Sarandë Florjana Koka ka gjetur një mbështetje masive. Peticioni, nismë e një pushueseje britanike, e cila thotë se u shokua nga gjendja e kafshëve endacake në Sarandë, sot ka kaluar mbi 1000 firma. Me anë të këtij peticioni do t`i kërkohet kretares së Bashkisë Florjana Koka masa për ngritjen e qendrave ku të trajtohen qentë dhe macet që enden rrugëve në Sarandë. Gjendja kryesisht e qenve të rrugës në Sarandë është alarmante. Qenë të grupuar në kope bëhen shqetësim për banorët, sidomos në orët e natës, ku këta qenë janë mbretërit e rrugëve. Nismëtarja e kësaj thirrje shjprehet se “Unë kam marrë mesazhe mjaft shqetësuese nga shqiptarët duke thënë se autoritetet lokale janë të përfshirë në helmimin dhe vrasjen e qenve dhe maceve endacake dhe ata nuk e shohin një problem.
Kjo më dha edhe më shumë pushtet për të luftuar për të drejtat e kafshëve në Shqipëri” shprehet Agnieszka Bak në thirrjen e mbledhjes së sa më shumë firmave për peticionin. Peticioni firmoset online në këtë link https://www.change.org/p/mayor-of-sarande-mrs-florjana-koka-save-dying-dogs-open-animal-rescue-center-in-sarande-albania