Reklamë I Love Orange

Manjola Nikollo paralajmëron rikthimin në krye të PD Sarandë pas humbjes së thellë në zgjedhje

Manjola Nikollo paralajmëron rikthimin në krye të PD Sarandë pas humbjes së thellë në zgjedhje

 

Manjola Nikollo ka lëshuar një sinjal të fortë për rikthimin e saj në drejtimin e Partisë Demokratike në Sarandë. Në një status të publikuar ditën e sotme, Nikollo ka kujtuar momentin e rizgjedhjes së saj si kryetare e degës lokale të PD një vit më parë, duke lënë të kuptohet se është e gatshme të marrë sërish drejtimin e partisë në një kohë kur kjo e fundit po përjeton një krizë të thellë pas humbjes në zgjedhjet e fundit.

 

 

Manjola Nikollo ishte zgjedhur për herë të parë kryetare e PD Sarandë pas rithemelimit të partisë dhe më pas u rizgjodh, duke triumfuar ndaj kundërshtarëve të brendshëm, në një proces që, sipas saj, kishte për qëllim ta largonte nga drejtimi i degës nën pretekstin e ristrukturimit.

 

Më vonë, ajo dha dorëheqjen nga posti i kryetares për të garuar në primaret për kandidate për deputete, një proces që është përfolur për parregullsi të shumta. Një nga rastet më të komentuara ishte ai i kutisë së votimit në Konispol, ku u numëruan mbi 20 vota më shumë sesa kishte votues.

 

Në statusin e saj të fundit, Nikollo shkruan:

 

“Një vit më parë, kur u rizgjodha për herë të dytë Kryetare e Partisë Demokratike Sarandë. Doja të shkëputja një pjesë nga statusi im:
‘…Ishte këmbëngulja juaj që më riktheu dëshirën dhe preokupimin për të garuar sërish për drejtimin e degës sonë. Një proces i nisur shtrembër, me ndërhyrje të padrejta e deri në kufijtë e absurdes, natyrisht që mund të më mbante larg. Por dhjetra e qindra mesazhe e takime me ju, më dhanë forcë për t’i shkuar deri në fund asaj që vërtetë mendoja se ishte jo thjesht fitorja ime, por triumf i së drejtës. Për mua fundi i këtij procesi nuk është fitore beteje e as e ndonjë ‘lufte’ imagjinare, nëse ndokush e ka quajtur të tillë prej fillimit…’
Falenderoj nga zemra, të gjithë ju që më keni mbështetur në rrugëtimin tim politik prej 15 vitesh, mirënjohje pa fund.”

 

Ky status shihet nga shumë demokratë në Sarandë si një paralajmërim i qartë për rikandidim të mundshëm të Nikollos në krye të PD-së lokale, në një kohë kur dega përballet me rënie të mbështetjes dhe kaos organizativ.

 

Rikthimi i Manjola Nikollos, një figurë me përvojë dhe mbështetje në bazë, mund të shënojë një përpjekje për rimëkëmbjen e partisë në këtë zonë strategjike të jugut. 

 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

21 Nëntor 2026 19:15
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47
Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

Shalës, banorët ankohen për rrugën e dëmtuar: Bashkia Konispol prej vitesh bën vetëm premtime

19 Nëntor 2026 21:25