Lajm i mire per policet, shpërblime dhe pagesa e orëve shtesë për festat e fundvitit
Të gjithë punonjësit e Policisë së Shtetit do të marrin shpërblim monetar për festat e fundvitit. Lajmi u konfirmua nga zëvendësministri i brendshëm, Ilirjan Mustafaraj, i cili tha në Komisionin e Sigurisë Kombëtare se sipas kritereve për fundvit do të ketë shpërblime. “A janë planifikuar në buxhetin e këtij fundviti shpërblime për Policinë e Shtetit?”-pyeti deputeti socialist, Pjerin Ndreu.
Zëvendës ministri i brendshëm tha se jo vetëm do të ketë shpërblime fundvit, por do të paguhen dhe orët suplementare. “Vetëm gjatë këtij viti Policia e Shtetit është shpërblyer me një fond rreth 220 milionë lekë për orët suplementare. Ky fond është parashikuar edhe për vitin 2016 për tu përdorur, por siç jeni në dijeni dhe ju kjo është variabël.
Lajm i mire per policet, shpërblime dhe pagesa e orëve shtesë për festat e fundvitit
Përveç këtyre do të marrin edhe shpërblimin për fundvit, është parashikuar sipas kritereve përkatëse”,-tha numri dy i ministrisë, Mustafaraj. Komisioni për Sigurinë Kombëtare miratoi nen për nen buxhetin e Ministrisë së Brendshme për vitin 2016, buxhetin për SHISH-in dhe buxhetin për Ministrinë së Mbrojtjes, për vitin 2016. Ilirjan Mustafaraj, kërkoi një shtesë fondesh në buxhetin e kësaj ministrie.
