Kandidati i Pavarur për Bashkinë Sarandë Ilir Nikolla ka patur ditën e sotme takime me banorë dhe biznese në Ksamil.
Gjatë këtyre takimeve Ilir Nikolla është shprehur se ”Vëmendja e munguar nga pushteti lokal ka sjellë probleme të shumta në Ksamil.
Ksamili është perlë e bregdetit jugor, bekuar nga Zoti me bukuri e begati, të cilat në mënyrë absolute duhen ruajtur dhe mirëmbajtur ashtu si meriton.
– Bashkia JUAJ do t’i japë Ksamilit status të veçantë me 20-30% të Investimeve.
– Problemet me ujin e pijshëm, infrastrukturën rrugore, mirëmbajtjen e pastrimin do të marrin zgjidhje , dhe ruajtja e standartit të tyre do të jetë e padiskutueshme.
– Çdo inciativë dhe investim do të bëhet transparent për ju në takime të përmuajshme me banorët e Ksamilit, ku do të diskutojmë dhe pasqyrojmë çdo hap drejt përmirësimit.
Të qeverisësh mirë do të thotë të japësh llogari për atë që bën! – eshte shprehur Ilir Nikolla gjatë takimeve. 
