Besmir Veli zbaton ultimatumin e Ramës: U kërkon dorëheqjen të gjithë drejtorëve në Delvinë
Kryetari i Bashkisë Delvinë, Besmir Veli, ka reaguar menjëherë pas ultimatumit të dhënë nga Kryeministri Edi Rama, duke kërkuar dorëheqjen e të gjithë drejtorëve të institucioneve vartëse në qytet.
Ky vendim vjen pas thirrjes së Kryeministrit për një “pastrim” të administratës nga drejtues të paaftë dhe për rritjen e përgjegjshmërisë në shërbim të qytetarëve. Veli duket se është ndër të parët drejtues vendorë që i përgjigjet thirrjes së kreut të qeverisë me veprim konkret.
Burime nga brenda bashkisë konfirmojnë se kërkesa për dorëheqje është bërë pa asnjë përjashtim dhe pritet që ditët në vijim të sjellin zëvendësime të shumta në nivel drejtuesish.
Ky zhvillim shihet nga shumëkush si një nënshtrim i pushtetit lokal ndaj vullnetit të Kryeministrit, duke ngritur pikëpyetje mbi autonominë vendore dhe lirinë e drejtuesve vendorë për të marrë vendime në përputhje me kontekstin dhe nevojat e komunitetit që përfaqësojnë.
Megjithatë, të tjerë e interpretojnë si një hap pozitiv për të rritur përgjegjësinë dhe për të sjellë një frymë të re në administratën publike.
Saranda Web do të vijojë të ndjekë zhvillimet në Bashkinë Delvinë dhe do të informojë publikun për çdo informacion të ri në kohë reale.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
