Edhe Olti Çaçi zbaton ultimatumin e Ramës: U kërkon dorëheqjen të gjithë drejtorëve në Sarandë

14 Korrik 2025 21:36

Valës së reagimeve ndaj ultimatumit të Kryeministrit Edi Rama për pastrimin e administratës nga paaftësia dhe performanca e dobët i është bashkuar edhe Saranda.

Olti Çaçi zbaton ultimatumin e Ramës: U kërkon dorëheqjen të gjithë drejtorëve në Sarandë

Kryetari i Bashkisë Sarandë, Oltion Çaçi, ka kërkuar dorëheqjen e menjëhershme të të gjithë drejtorëve të institucioneve dhe njësive në varësi të bashkisë. Lëvizja vjen pas vendimit të ngjashëm të marrë më parë nga kryetari i Bashkisë Delvinë, Besmir Veli.

Kërkesa e Çaçit për dorëheqje kolektive shihet si pjesë e një procesi ristrukturimi që ka për qëllim përmirësimin e efikasitetit të administratës vendore dhe rritjen e përgjegjshmërisë ndaj qytetarëve.

Ky zhvillim po interpretohet si një nënshtrim i pushtetit vendor ndaj vullnetit të Kryeministrit, duke ngjallur diskutime mbi autonominë vendore dhe ndikimin që qeveria qendrore ka në drejtimin e bashkive.

Ndërkohë, mbetet për t’u parë nëse këto dorëheqje do të çojnë në përmirësim real të shërbimeve, apo thjesht në zëvendësime formale me emra të rinj.

Saranda Web do të vijojë të ndjekë nga afër zhvillimet dhe do të sjellë për qytetarët informacionin më të saktë dhe të verifikuar.