Digjet shtëpia e aktorit sarandiot, e dyta shtëpi e djegur brenda javës

Djegia e dytë e banesës brenda javës u shënua mbrëmë në lagjen nr. 3 në Sarandë. Banesa e djegur plotësisht nga flakët i përkiste aktorit Haki Spaho. Megjithëse zjarrfikset u gjendën në kohë në vendngjarje, ata nuk arritën të shpëtonin banesën nga djegia, përveçse arritën që flakët e zjarrit të mos digjnin banesa të tjera në katet e sipërme.
Për të dyja rastet e zjarrit shkak ka qenë amortizimi i rrjetit elektrik.
Zjarri i 1 jave më parë dogji plotësisht një banesë ku jetonte me qera një familje prej 5 anëtarësh, mes tyre 3 fëmijë të mitur. Megjithë apelin e bërë nëpërmjet Saranda Web, Bashkia Sarandë nuk ofroi absolutisht asnjë ndihmë te kjo familje, e mbetur mes 4 rrugëve, pa strehë, pa ushqim dhe pa veshmbathje, pasi gjithçka ata kishin, u përpinë nga flakët e zjarrit.
Edhe në rastin e djegies së banesës së aktorit Haki Spaho nuk pritet që bashkia Sarandë të ofrojë ndonjë ndihmë, pasi lekët e bashkisë janë të destinuara për  gaztorët e Portokallisë, këngëtaret e zhveshura dhe buste.