Digjet një autobus që udhëtonte drejt Sarandës, fatmirësisht pa të lënduar – VIDEO

Digjet një autobus që udhëtonte drejt Sarandës, fatmirësisht pa të lënduar

Një ngjarje e rëndë është regjistruar ditën e sotme në aksin rrugor Kardhiq–Delvinë, pranë fshatit Kardhiq në Gjirokastër, ku një autobus i linjës drejt Sarandës është përfshirë nga flakët.

Zjarri ka shpërthyer rreth 2 kilometra përpara hyrjes së tunelit të rrugës së re Kardhiq–Delvinë.

Fatmirësisht, të gjithë udhëtarët që ndodheshin në bord kanë arritur të dalin në kohë dhe nuk raportohet për persona të lënduar.

Shkaqet e zjarrit mbeten ende të paqarta, ndërsa autoritetet kanë nisur hetimet për të përcaktuar rrethanat e ngjarjes. Dyshohet se flakët mund të jenë shkaktuar nga një defekt teknik në pjesën e pasme të mjetit.

Ngjarja ka shkaktuar panik tek udhëtarët, ndërsa qarkullimi në segmentin përreth u ndërpre përkohësisht deri në mbërritjen e shërbimeve zjarrfikëse. Forcat zjarrfikëse kanë bërë të mundur shuarjen e zjarrit, por autobusi ka pësuar dëme të konsiderueshme.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb