Dhunohet shefi i Krimeve në Sarandë, u konfliktua me disa persona

Dhunohet shefi i Krimeve në Sarandë, u konfliktua me disa persona. Një ngjarje e rëndë është regjistruar në orët e para të mëngjesit në Sarandë, ku shefi i Krimeve, Mateo Bakalli, është përfshirë në një konflikt fizik me disa persona.

Sipas të dhënave paraprake, gjatë përplasjes Bakalli është dhunuar dhe ka pësuar dëmtime në pjesë të ndryshme të trupit dhe në fytyrë.

Pas ngjarjes, ai është paraqitur në spital për të marrë ndihmë mjekësore. Burimet bëjnë me dije se Bakalli kishte hematoma në zonën e syrit, si dhe lëndime të tjera. Pas marrjes së mjekimit të nevojshëm, ai është larguar nga ambientet e spitalit.

Sipas shefit të krimeve, në rrugën Butrinti kanë qenë duke debatuar dhe konfliktuar 2 persona dhe kam ndërhyrë duke u prezantuar dhe njëri prej tyre më goditi me grusht.

Policia ka nisur hetimet për të rindërtuar dinamikën e ngjarjes dhe për të identifikuar personat e përfshirë në konflikt. Pritet që hetimet të sqarojnë gjithashtu motivet që çuan në përplasjen fizike. Saranda Web

Arben Llangozi denoncon Policinë e Sarandës: “Me armë në dorë për presion dhe terror”