Denoncim qytetar nga Delvina: “Vetëm një orë ujë në ditë, as depozitat nuk mbushen”
Një banore nga Delvina ka ngritur një ankesë për situatën shqetësuese të furnizimit me ujë në lagjen e saj. Ajo thotë për Saranda Web se shpërndarja e ujit bëhet sipas “qejfit” dhe pa asnjë orar të rregullt.
“Në mëngjes nuk kishte ujë fare dhe kur vjen, e sjellin vetëm për një orë. Çfarë të bëjmë me një orë ujë? As depozitat nuk mbushen. Ju lutem postojeni këtë, sepse këtu bëjnë si të duan. Mjerë ne ku jetojmë”, – shprehet qytetarja.
Sipas saj, në zonën e njohur si “Papuci”, lidhjet e ujësjellësit janë bërë “gjysma-gjysma”, duke shkaktuar diskriminim mes banorëve të së njëjtës lagje. Një pjesë e banesave kanë ujë 24 orë, ndërsa pjesa tjetër furnizohet vetëm për një orë në ditë.
Kjo situatë e padrejtë, sipas denoncueses, është bërë e përditshme dhe po krijon vështirësi të mëdha për familjet që nuk kanë mundësi të mbushin rezervuarët e ujit. Banorët kërkojnë nga institucionet përgjegjëse që të marrin masa urgjente dhe të sigurojnë furnizim të rregullt me ujë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
