Mëngjesi i ditës së nesërme pritet ta gjejë qytetin e Sarandës me rreth 5% të popullsisë së saj të larguar.
Drejt Tiranës, për tu bashkuar me protestën e thirrur nga opozita, pritet të udhëtojnë rreth 300 persona.
Sipas informacioneve nga Dega e PD Sarandë, nisja do të bëhet e organizuar me autobusa dhe automjete në orën 04:00.
Ndërkohë në orën 05:30 rreth 1000 persona të tjerë do të largohen nga Saranda.
Bëhet fjalë për nëpunës të administratës dhe militantë të Partisë Socialiste, të cilët janë thirrur për të qenë prezentë në Sheshin e Flamurit në Vlorë, aty ku kryeministri Edi Rama pritet të zhvillojë një takim në kuadër të turit “Bashkia që duam”.
