Në kuadër të nismës së qeverisë për të evituar daljet e pensionistëve nga shtëpia qoftë edhe vetëm sherbime për blerje, do të jetë Bashkia me ekipet e saj që do t’u vijnë në sherbim, kryesisht të moshuarve që jetojnë vetëm ose nuk kanë të afërm pranë.
Konkretisht grupet e punës ,nga një për çdo lagje dhe fshat, të ngritura nga Bashkia e Sarandës me punonjës të saj, vullnetarë me suport, por edhe të strukturave të Policisë Bashkiake, kanë dalë në terren, shtëpi më shtëpi, fillimisht për të evidentuar qytetarët pensionistë, të vetëm apo ata pa të afërm pranë në këto ditë të vështira, me qëllim marrjen e masave për asistencën e tyre në kryerjen e sherbimeve te nevojshme si blerja e ushqimeve dhe ilaçeve duke evituar daljen nga banesa dhe kufizimin në maksimum të lëvizjes së tyre.
