Banorët e Sarandës në protestë, FUSHA: Rëra nuk preket

11/11/1914:30

Shperndaje:


Një grup qytetarësh të cilët kundërshtojnë punimet për zgjerimin e shëtitores në plazhin e Centralit në Sarandë kanë protestuar sërish ditën e sotme, përpara bashkisë. Ata janë shprehur kundër hedhjes së zhavorit dhe inerteve në rërën e plazhit që do ti shërbejë kompanisë si kantier ndërtimi i punimeve që do të bëhen në bulevard. Protestuesit kanë kërkuar të takohen me kryebashkiakun e Sarandës, Ardian Gurma për t’i sqaruar se nuk do të preket plazhi historik i sarandiotëve.

“Do të donim të zgjatej bulevardi. Në këtë kohë por të mos prishim ato gjëra që ne i kemi. Bekime që i kemi nga natyra nuk duhet t’i humbasim. duhet përmirësuar ky qytet. Ato që janë pronë monumente dhe traditë që vijnë nga e shkuara duhet të ruhen.” tha një banor.

Qytetarët janë pritur për takim vetëm nga inxhinieri i firmës kontraktore i cili u ka shpjeguar projektin disa prej tyre. Protestuesit sërish nuk kanë rënë dakord me projektin i cili sipas tyre do të paralizojë plazhin e Centralit për disa muaj.

https://www.facebook.com/143672462471081/posts/1332969983541317/

“Jam me shqetësimin tuaj. Atë merak kishit edhe ju, plazhin e Centrales. Por plazhi nuk preket, hiqet ‘hunda’ por nuk preket. Vija blu shpjegon gjurmën e re të projektit, ajo me pika është plazhi ekzistues që nuk do të preket. Pjesa nga cepi dhe pjesa tjetër për nga Vaso Gjoni, do të montohen ca objekte që ndërthuren dhe krijojnë shkallë që do të shkojnë deri në det por vetëm muri, jo plazhi me rërë. Pra rëra e plazhit nuk preket.” ka deklaruar inxhinieri përfaqësues i firmës që po merret me zbatimin e projektit për zgjatjen e bulevardit të Sarandës.

Ndërkohë pritet që të ketë edhe një takim tjetër që të bëhet dakordësimi i banorëve dhe zbatuesit të këtij projekti. Firma ndërtuese ka mbushur me inerte pjesën e plazhit që do të bëjë punimet, pikërisht kjo ka ngjallur edhe reagime të shumta nga banorët, që theksojnë se kjo do të shkatërronte plazhin

https://www.facebook.com/143672462471081/posts/1333186970186285/


Ndajeni me miqte:

Postimet e fundit

Shkolla “DEA 2001” aktivitet sensibilizues në kuadër të Tetorit Rozë – VIDEO
Shkolla “Shefqet Sulejmani” feston 50-vjetorin – Gjysmë shekulli histori, arsim dhe kujtime në Gjashtë
EcoAlbania: ‘Zonat e Mbrojtura kanë Rëndësi’ – Debat publik për të ardhmen e Butrintit – VIDEO
Ardit Bido: RTSH duhet të ketë sinjal në Janjar, Vërvë e Dishat e deri në Igumenicë – VIDEO
Bllokimi i monopatinave me urdhër të ministres në rrjetet sociale, qytetarët nisin protestat
Qytetarët denoncojnë: Skaneri në Spitalin e Sarandës jashtë funksionit, spitali reagon: Pajisja e re tashmë në punë

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.